Фатаграфія ў запісах беларускага фальклёру

Для мяне аказалася даволі нечаканым, але тэма фатаграфіі трапіла ў публікацыю фальклёрных запісаў Міхала Федаркоўскага (Federowski, Michał. Lud białoruski na Rusi Litewskiej : materyały do etnografii słowiańskiej zgromadzone w latach 1877-1905. T. 3, Baśnie, przypowieści i podania ludu z okolic Wołkowyska, Słonima, Lidy i Sokółki. Cz. 2, Tradycye historyczno-miejscowe oraz powieści obyczajowo-moralne, Kraków, 1903, str. 252-253.)

Калі верыць этнографу, вялікага энтузіязму гэтае вынаходніцтва ў беларусаў не выклікала

Michal Federkowski. Lud bialoruski

У тым, што за гэтыя сто з гакам гадоў стаўленьне беларускага народу да фатаграфіі ня вельмі моцна зьмянілася ня бачу нічога дзіўнага.

Цалкам кавалак прысьвечаны фатаграфіі знойдзеце тут

Дзякую за наводку Дзянісу Лісейчыкаву.

 

Advertisements
Posted in гісторыя фатаграфіі | Tagged , , , | Пакінуць каментар

У пошуках аўтэнтыкі

Слухаючы Другую праграму Польскага радыё, якая арыентаваная пад г. зв. “сур’ёзную музыку” ад дыктараў пастаянна атрымліваю інфармацыю пра тое, на якім канкрэтным інструмэнце (вытворца і год прадукцыі) выконваўся той ці іншы твор.

Я мэляман без ніякага выканаўчага досьведу і ў сьляпым праслухоўваньні ня маю шансаў адрозьніць фартэпіяна “Беларусь” ад  Yamaha. Больш таго, не ўяўляю паводле чаго розьніцу між імі можна спрабаваць шукаць.

Не сказаць, каб мяне тыя падрабязнасьці раздражнялі або стамлялі. Але нешта цьмяна нагадвалі.

Доўга ня мог злавіць гэтае “нешта” пакуль у часе не супалі два маіх дзеяньня: прагляд фэйсбучных груп прысьвечаных аналягавай фатаграфіі пад праграму Dwójki. На маніторы мільгалі невыразныя вынікі працы ў лябараторыі, а ў вушох умела жангліроўка назвамі брэндаў, якія ніколі не запомню.

Прызнаюся, мяне часта зьдзіўляюць  і бянтэжаць тэхнічныя падрабязнасьці  (праяўнік, фіксаж, камэра, аб’ектыў) нічым непрыкметных і крыва адсканаваных здымкаў. Там дзе  аўтар піша пра тое, што  пры дапамозе “Радынал 1+50”  праявіў рэдкую фотаэмульсію, я звычайна бачу толькі ня вельмі ўдалую рэпрадукцыю з пылам і дыгітальным шумам, паводле якой, пры ўсім маім досьведзе, немагчыма вызначыць які вынік будзе на паперы.

З радыётрансляцыямі прыблізна тое самае — у наяўных умовах  вычуць магу толькі спэцыфічны моцна падфарбаваны кампрэсіяй і ня самай удалай аўдыёсістэмай гук, а ня аксамітныя мадуляцыі  Steinway & Sons.

Згадзіцеся, цяжка прадбачыць калі і дзе сустрэнеш чалавека з забабонамі ідэнтычнымі тваім. Калі ўважліва прыгледзіцца, то стане даволі відавочным, што рух аўтэнтычнага выкананьня ў многіх сваіх праявах падобны да моды на аналягавую фатаграфію. Розьніца хіба толькі ў тым, музыкі  да аўтэнтызму пачалі зьвяртацца яшчэ ў 1930-ыя гады.

Posted in Працэсы, навіны | Tagged , , | Пакінуць каментар

Да пытаньня мовы ліставаньня паміж Марксам і Леніным

Паспрабаваў пачаць чытаць стары артыкул Сьвятланы Паляшчук “Піктарыялізм Яна Булгака. Вопыт патрыятычнай фотаграфікі”.

Запалу хапіла толькі да пасажу

У 1924 годзе Ян Булгак выступіць па віленскім радыё з дакладам «Нараджэнне фотаграфікі», у якім аб’явіць: польская фатаграфія дасягнула такога ўзроўню, што смела можа прэтэндаваць на статус мастацтва.

Так склалася, што я ведаю дату пачатку трансьляцый віленскай радыёстанцыі. І яна прыходзіцца на 1927.

Які сэнс ставіць неправераную дату падзеі, пра якую ты чуў толькі краем вуха?
Трэба нарэшце прызнаць, што ёсьць рэчы, якія мне цяжка зразумець.

Posted in Вільня, гісторыя фатаграфіі | Tagged , , | 7 каментарыяў

“Права на адпачынак”

У віленскай галерэі Trivium адчынілася мая выстава «Права на адпачынак». Экспазыцыя скл51051967_1115269998641628_503535192619614208_nадзеная з калекцыі савецкіх пляжных фатаграфіяў 1950-80-ых гадоў. У дадатак да арыгіналаў адмыслова да выставы выдрукаваў дзьве рэплікі з арыгінальных нэгатываў. Але ўсё зрабіў па-сапраўднаму: праз павелічальнік і на абавязковай для сямейных альбомаў таго часу тонкай паперы.

Выстава дзейнічае да 24 лютага 2019.
Адрас Vilkpėdės g. 7-105, Vilnius
Папярэдне трэба дамаўляцца з гаспадыняй. Лепш па тэлефоне +37069358318
Спасылка на падзею ў fb

Posted in Uncategorized | Пакінуць каментар

Да гісторыі фатаграфіі ў Магілёве

mw82059Пару гадоў таму выйшла кніга Аляксандра Ліціна і Ірыны Савосьцінай “Могилевский альбом. 1864-2000”. Пісаць рэцэнзію ня стаў, каб пазьбегнуць канфлікту інтарэсаў. Сама кніга была фактычна першай спробай напісаць гісторыю фатаграфіі ў Магілёве і атрымалася такой, якой атрымалася. Праэкт быў занадта амбіцыйны для прыватнай ініцыятывы, а нейкай падтрымкі з боку афіцыйных структур аўтары не атрымалі. Для піянэрскіх ініцыятыў — гэта звычайная гісторыя. Думаю аўтары разумелі і спадзяваліся, што іх канспэкт з часам будзе пашырацца, папаўняцца і радыкальна зьмяняцца.  падобна на тое, што сёньня і мне ёсьць, што да яе дадаць.
Далей

Posted in гісторыя фатаграфіі | Tagged , , , | 3 каментарыя

Выстава і майстар-кляс у Менску

46441151_2089831444570704_2580059585683390464_nНамалявалася добрая нагода для сустрэсы. 23.11.2018 (гэта пятніца) а 17-ай у менскім цэнтры сучаснага мастацтва (Някрасава, 3) адбудзецца адкрыцьцё выставы Віленскага фэстывалю аналягавай фатаграфіі і кіно. Дзякуючы калегам з Cаюзу Фатографаў і тэхнічнай дапамозе з боку амбасады Літоўскай Рэспублікі ў Беларусі атрымалася завезьці амаль усё, што я як куратар паказываў у Вільні.

Выстава будзе праходзіць на дзьвюх пляцоўках (НЦСМ і Artel Gallery Cafe (Незалежнасьці 58/1-6).

падзея ў фэйсбуку тут
У суботу пляную майстар-кляс па хэміграмах і люменпрынтах.

Падрабязнасьці тут

Рэгістрацыя тут

Posted in выставы, навіны | Tagged , | Пакінуць каментар

Тэрмінова ў нумар!

Як кажуць хісьцеры Before it was cool

(…) По словам президента, из большого количества видов искусств ему ближе всего кино и музыка. Глава государства также отметил, что в свое время занимался фотографией.

«Сутками просиживал в фотолаборатории. Поэтому немного в этом понимаю», — рассказал глава государства.

Лукашенко признался, что в свое время занимался фотографией

 

Posted in Uncategorized | 3 каментарыя